Sonntag, 26. August 2007

LA - Santa Monica - Las Vegas

Hallo zaeme!

Nachdem mer guet im Hotel in Santa Monica acho sind, haet sich de "kurzi" Waeg nach Hollywood als es chlises Abendteuer usegstellt. Nach ueber ere halb Stund Busfahrt haemer dNerve langsam verlore, will mer gwuesst haend mr muend nomal umstiege unds voll noed haend choene ischaetze wie lang dases no gaht... Aber, schafft:



Bea und Lea at the walk of fame : ) ->


Am Samstigmorge haemmer daenn de schoeni Strand vo Santa Monica gnosse. Ois haet dae Teil vo Los Angeles mega gfalle, super schoeni Strandpromenade mit Palme und au en mega Strand (siehe Foto : ) )





Will mer am SA Nami de Camper haend choene uebernaeh simer vorem Hotel mit de Limousine (haend eigentli miteme Taxi grechnet) abgholt worde - em Fahrer vo Cruise America! D'Amis ueberrasched ois immerwieder ufs noie... : )

Und daenn, di erst Begaegnig mit oisem 'Lady Cruiser'! Nach de ziemli schwere Uebernahm (alles Gschirr, Pfanne usw. schleppe) is daenn losgange ufem 6-spurige Highway dur LA - dBea haet das profimaessig gmeisteret!!!

Nach 3 Stund fahre inkl. Stau in LA haemmer ois entschiede scho vor Las Vegas z'uebernachte. Mit Schwumm im Pool am 10ni i de Nacht und am Morge frueh haet sich trotz grosser Hitz guet laebe la... ; )

Huet ischs daenn aendli richtig Las Vegas witergange. Nach usgibiger Shopping-Tour ime Outlet Store und Gwitter i de Wuesti (das gits tatsaechli?!) simmer ufem Campground Oasis (danke fuer de gueti Tip Simon & Manu) in Las Vegas acho! Voller Tatedrang und Neugier simmer denn an Strip... WOW... Las Vegas isch wuerkli es wahrs Erlebnis!! Mir freued ois scho uf di naechscht Taeg da...


Mir froied ois mega ueber jede Kommentar vo oi und bis zum naechste Mal...
Liebi Poker-Gruessli us Las Vegas, Bea & Lea

Kommentare:

Simon hat gesagt…

Hey ihr zwei Hübsche!
Super zghöre das die zwei Ladies mit Big America undem Big Lady Cruiser zrächt chömed.. ;-) Han doch gseit das isch käs Problem für Eu!
Fallser no in Vegas sind, Tipp: Red Rocks!
Wünsche Eu ganz viel Spass und villi Abentüür. Lea, mini E-mail wäri: simon.ulmann@hotmail.com

Take care - Simon

Markus hat gesagt…

Hoi zäme
Das tönt jo rüüdig guet, wie ehr i euches USA Abentür gstartet send!
D'Föteli möchid fasch e chli niidisch, wemmer so am schaffe esch ond schnöu i Blogg luegt. Beatrice, a eim musch eifach no chlii schaffe, mehr händ no keis Schwiizerchrüz-T-Shirt-Föteli vor eme typische US Wohrzeiche gseh...
Gruess us Basel (oder doch Lozärn?)
Markus

banzer's hat gesagt…

hoi beatrice

am liabschta wär ma grad bi eu und hetti a tolli zyt metanand. mir wünschend eu a tolli reis und freuend üs uf no meh so tolli foti. glg us trüebbach

Brigitte hat gesagt…

Halli Hallo Halöle Zäme!!!
Woooow! Ihr hend ja scho u vill kuls gseh... Und das idere churze Zit. I wett am liebschte bi eu mitfahre :) De Grand Canyon hani mir wük nid so gross vorgstellt und han au nid gwüsst, dass in Las Vegas Städt nabaut sind. Jetzt hani au na was dezue glernt.
Am Zischtig hani mini Diplomierig gha. Äntli!! Jetzt bini defintiv fertig. Jupi.
Hey also i wünsche eu na e super Zit und bis bald...
Liebe Schmatz
Brigitte