Donnerstag, 23. August 2007

Nach langer Reis (22h ! ) in San Diego acho!

Hallo zaeme!

Freudig haemmer oisi Reis am Mittwuch Morge in Zueri gstartet! Nach iwandfreiem aber seehr langem Flug simmer am viertel vor 7ni todmued in San Diego acho, waehrend ihr i de CH scho lang am schlafe gsi sind (am viertel vor 4i i dae Nacht). Trotz afaengliche Bedaenke haet ois de charmanti Ami-Zoellner und de "Droge-Spuehr-Hund" : ) sogar uf Amerika inelah! De Bea ihri Verwandte haend ois haerzlich am Flughafe empfange und i ihrem super schoene Huus iquartiert.

Nach gueter Nacht mit seehr vill Schlaf haemmer huet mit persoenlichem Stadtguide us de CH (e Kollegin vonere Studiekollegin vo de Lea wo 2 Jahr in San Diego laebt) e interessanti Tour dur San Diego gmacht - Old Town, Balboa Park, Beach und Down Town... Dae Mc Donalds haemmer bis jez no ignoriert, mal luege wie langs no gaht bis ois inezieht... : )

Morn gahts per Greyhound witer nach Los Angeles, usgrueschtet mit jenschte Bus-Plaenli simmer jez au sicher, dass mr sHotel daenn finded - LA haet immerhin en Durchmesser wie dStrecki vo Zueri nach Bern - unvorstellbar! : )

Mir froied ois uf de naechschti "Kontakt" mit oi und
schicked warmi, sunnigi Gruessli us San Diego!
Bea & Lea

Kommentare:

anja hat gesagt…

liebi lea und bea

bi ganz beiedruckt vo dem "blog"! :-)) super, jetz chan ich immer läse, was bi eu - soooooo wiit wägg - amel lauft... bi eus isch zum glück au wieder warm und schön. vermuetli sind er jetz na am schlafe - also schöni träum und liebi grüessli
anja

bi eus isch jetz 20:52. wieviel ziitverschiäbig isch denn würkli?

Peter hat gesagt…

Liebi Lea und Bea

Danke für euri erschte Infos.
Bin hüt grad d Strecki Bern - Züri gfahre (und han ganz vill Camper gsee!): Ja das git e grossi Stadt.

Bi eus is es au namal echli Summer worde aber chuum so warm wie bi eui!

Ich freu mi scho uf witeri Abentürbricht ;-)

Liebi Grüessli Peter

bocchettis hat gesagt…

Liebe Bea und Lea
Es freut uns, dass bis jetzt alles gut gegangen ist und ihr hoffentlich auch die Durchfahrt durch LA schadlos überstanden habt. Ob ihr wohl bereits von eueren Camper-Fahrstunden mit Pa und Glauser durch's Zürcher Oberland händ chönne profitiere?

Mir wünsched wiiterhin viel Spass und gutes Gelingen!
Liebi Grüess vo Marcel, Annamarie und Christoph und au vom Grossmami und de Grabserberger Grosseltere

Marcel hat gesagt…

Hoi zäme

Mir sind jetzt scho sit guet zwei Wuche in Canada underwägs und händ au no nie en McDonald vo inne gseh, aber es git ja A&W, Dairy Queen, Burger King, Wendy´s, Tim Horton, Boston Pizza, KFC ... ;-)

Wünsched eu ä schoni Reis und viel Spass.

Liebi Grüess
Mäse & Iris